ສສ ຫວຽດນາມ ມອບເຄື່ອງຊ່ວຍເຫຼືອ ປ້ອງກັນ ໂຄວິດ – 19 ໃຫ້ ສປປ ລາວ

ສສ ຫວຽດນາມ ມອບເຄື່ອງຊ່ວຍເຫຼືອ ປ້ອງກັນ ໂຄວິດ – 19 ໃຫ້ ສປປ ລາວ

ໃນວັນທີ 03 ເມສາ 2020 ຢູ່ທີ່ກະຊວງ​ການ​ຕ່າງປະ​ເທດ​ຫວຽດນາມ ​ໄດ້​ມີ​ພິທີ ມອບ​ຮັບ​ເຄື່ອງ​ຊ່ວຍ​ເຫຼືອ ອຸປະກອນການແພດ ຈາກລັດຖະບານ​ແຫ່ງ ສສ ຫວຽດນາມ ໃຫ້ແກ່ ລັດຖະບານ​ແຫ່ງ ສປປ ລາວ ໃນມູນ​ຄ່າ 100,000​ ໂດ​ລາ​ສະຫະລັດ ຈາກ​ກະຊວງ​ສາທາລະນະ​ສຸກ ​ຫວຽດນາມ 5 ຕື້ດົງ ​ແລະ ຈາກກະຊວງ​ວິທະຍາສາດ ​ແລະ ​ເຕັກ​ໂນ​ໂລ​ຊີ​ຫວຽດນາມ 250 ລ້ານດົງ. ຕາງໜ້າລັດຖະບານ​ຫວຽດນາມ ກ່າວມອບໂດຍແມ່ນ ທ່ານ ຫງວຽນ​ກ໋ວກຊູງ ຮອງ​ລັດຖະມົນຕີ​ກະຊວງ​ການ​ຕ່າງປະ​ເທດ​ຫວຽດນາມ ແລະ ຕ່າງໜ້າລັດຖະບານແຫ່ງ ສປປ ລາວກ່າວຮັບ ໂດຍແມ່ນ ທ່ານ ​ແສງ​ເພັດ​ ຮຸ່ງ​ບຸນ​ຍວງ ​ເອກ​ອັກຄະ​ລັດຖະທູດ ວິສາມັນ​ຜູ້​ມີ​ອຳນາດ​ເຕັມ ​ແຫ່ງ​ ສປປ ລາວ ປະຈຳ ສສ ຫວຽດນາມ ພ້ອມດ້ວຍພະນັກງານ ທັງສອງຝ່າຍເຂົ້າຮ່ວມເປັນພິຍານ.
ເຖີງວ່າສສ ຫວຽດນາມ ຍັງປະສົບກັບຄວາມຍຸ້ງຍາກຫຼາຍ ປະການໂດຍສະເພາະ ກຳລັງປະເຊີນໜ້າກັບພະຍາດໂຄວິດ-19 ທີ່ກຳລັງແພ່ລະບາດໜັກພໍສົມຄວນ, ແຕ່ບົນຈິດໃຈການພົວພັນ ມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງສອງພັກ, ສອງລັດ ແລະ ປະຊາຊົນສອງຊາດ, ກໍ່ຄືນ້ຳໃຈສາກົນກຳມະຊີບ ອັນສູງສົງຂອງຕົນລັດຖະບານ ແລະ ປະຊາຊົນຫວຽດ ນາມຍັງໄດ້ບິແບ່ງວັດຖຸປັດໃຈ ມາຊ່ວຍລັດຖະບານກໍ່ຄື ປະຊາຊົນລາວ ໃນການຕ້ານພະຍາດໂຄວິດ-19
​​ໃນ​ໂອກາດ​ກ່າວ​ຮັບເຄື່ອງຊ່ວຍເຫຼືອດັ່ງກ່າວ ​ທ່ານ​ແສງ​ເພັດ ຮຸ່ງ​ບຸນ​ຍວງ ​ ໄດ້ສະ​ແດງ​ຄວາມ​ຮູ້ບຸນຄຸນ ແລະ ຂອບ​​ອົກຂອບໃຈຢ່າງຈິງໃຈມາຍັງພັກ, ລັດຖະບານ ແລະ ປະຊາາຊົນຫວຽດນາມ ທີ່ມອບເຄື່ອງຊ່ວຍເຫຼືອດັ່ງກ່າວນີ້ໃຫ້ແກ້ ສປປ ລາວ ແລະ ຍັງໄດ້ຢືນຢັນວ່າອຸປະກອນ ການແພດທີ່ໄດຮັບ ການຊ່ວຍເຫຼືອຄັ້ງນີ້ ຈະຖຶກນຳໃຊ້ເຂົ້າໃນການສະກັດກັ້ນ ແລະ ຕ້ານພະຍາດໂຄວິດ – 19 ຢູ່ ສປປ ລາວ ຢ່າງມີປະສິດທິຜົນສູງ. ​


ເນື້ອໃນ: ຂປລ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *